واحد عندو
غنماية ضعيييييييييييفه وداها السوق عشان يبيعها .. أول ما دخل السوق لاقاهو واحد
سألو الغنماية دي ادوك فيها كم ؟ الزول قال ليهو أدوني فيها 750 الف .. الغنماية دنقرت راسا و قعدت تضحك.
***
رباطابى راكب القطر ... والقطر مافيه كهرباء
ولا أنوار ..جنبه واحد بيهبش تحت كرعينه
قاليه يازول مالك .... قاليه بفتش لولدى
الرباطابى قاليه .... ولدك دا إبريق ما تندهله ..
***
واحد اتشاكل مع مسطول.. المسطول اليوم التانى رسل ليه
مسطره طويله ومسطره قصيرة ومعاها استيكتين.. الزول مافهمها.. سأل مسطول تانى فقال
ليه الزول دا قاليك إن طال الزمن أو قصر بمسحك بمسحك
***
شافع مسطول قاعد جمب أمو بترمي في اللقيمات ترمي العجينه
في الصاج تغطس وتطلع لقيمه الشافع قعد يضحك أمو قالت ليه مالك بتضحك قال ليها زي
شعار قناة الجزيرة
***
قالوا واحدة من حريم الرباطاب كانت بتبيع لقيمات وطعمية
للركاب في محطة ابوحمدالايام ديك شغلوا القطر الاكسبرس وكان ما بيقيف في أي محطة،
المهم القطر جا ماشي فيها بووووو ، وماباعت اي حاجة قامت رجعت البيت، قام الراجل قال
ليها ان شاء الله بعتي كويس الليلة ،قامت ردت قالت ليهو:بعت شنو الشئ جا ماشي فيني
زي ترجمة الفلم الأجنبي..
***
مسطول من الخرطوم وزنه زاد ..
مشى للدكتور .. الدكتور نصحه يمشي كل يوم 3 كيلو ..
بعدإسبوع ضرب للدكتور قاليهو أنا في الحصاحيصا أواصل ولا
أرجع
***
مسطول قالوا ليه اكتب لينا موضوع انشاء من 10 صفحات
كتب في الصفحة الاولى ركب الرجل الحصان
وفي الصفحة الاخيرة كتب نزل الرجل من الحصان
وبين الصفحات كتب كبجك كبجك كبجك كبجك
***
مسطول دخل المستشفى
سألوه: زيارة؟
رد: لا عمره.
***
مسطول سطلة شديد سمع المعلق بقول فاول لصالح رونالدو...
قال أول مرة أعرف انو رونالدو عندو ولد اسمو صالح.......
***
أستاذة كانت نعسانة في الحصة
شالت كرسي ونامت في آخر الفصل
فجأة جاء المدير داخل زولتنا صحت
وقالت ليهم: وهكذا نام عمربن الخطاب قرير العين بعد ان
حكم رعيته بالعدل
***
كذاب سوداني لاقى أكذب روسي.السودان قاليهو:نحنا عندنا
السخانة لما تطلع الشارع تلقى الشارع قاعد في الضل، الروسي الكذاب قال:نحنا عندنا
من شدة البرد لما يتكلم معاك زول لازم تشيل الكلام و تسخنو و بعد ثلاثة أيام حتى تفهم
قال ليك شنو!